Ամենաշատ քննարկվող թեման շարունակում է մնալ համաճարակը։ Ես ոչ մի անգամ վախ չեմ տեսել այս ամենի մեջ, բայց մտահոգություն ունեցել եմ։ Գնահատու՞մ եք արդյոք այս ժամանակը, թե՞ միայն նկատում եք դրա կորուստը։ Ժամանակը չի սիրում իրեն չգնահատողներին, և այդ մարդկանց դուրս է թողնում ընթացքից։ Շատ շատերը միայն նկատում են այս ժամանակի կորուստը։ Իմ կարծիքով կյանքում ամենամեծ կորուստը ժամանակն է, որը անվերադարձ է։ Եթե անգամ հնարավորություն չունես այս ժամանակում ինչ որ բան անելու՝ կարող ես պարզապես մտածել։ Մտածիր երազանքներիդ մասին, և ստեղծիր դեպի այն տանող ճանապարհը։ Ին՞չ է պետք երազանքին հասնելու համար՝ ստեղծել դեպի այն տանող ճանապարհը։ Ին՞չ է պետք ճանապարհը ստեղծելու համար՝ մտածել։ Ին՞չ է պետք մտածելու համար՝ ժամանակ։ Ին՞չ ունենք մենք հիմա ամենից շատ՝ ազատ ժամանակ։ Հետևությունները թողնում եմ ձեզ։Ինչի՞ ես հասել մինչ օրս, ինչպե՞ս կուզես շարունակել կյանքդ՝ հիմա ամենալավ առիթն է այդ ամենի մասին մտածելու համար։ Մի՛ վախեցիր փորձություններից։ Կյանքը ինքնին փորձություն է, որի ընթացքում շատ են հիասթափությունները։ Նա ով ցավ է զգում՝ ապրում է, ով ցավ է զգում ուրիշի հանդեպ՝ մարդ։ Այս խոսքերը անիմաստ կթվան, եթե դու կյանքից ոչինչ չես քաղել։ Ես կյանքից քաղում եմ այն ինչին, որ ձեռքս կհասնի։ Բավարարվում եմ ունեցածովս, բայց միաժամանակ ձգտում ավելիին։ Քո կյանքից, ունեցածից բողոքելուց առաջ գնահատիր այն։Կույր մարդը ուրախ է, որ լսում է։ Խուլ մարդը ուրախ է, որ տեսնում է։ Անգամ, եթե զրկվես ամեն ինչից, բայց ապրես՝ գնահատիր այդ կյանքը։ Կյանքը խաղ է, որը հաղթել չի հաջողվել և ոչ մեկի։
Երբև է համեմատե՞լ ես քո երկու օրերը։ Նկատե՞լ ես, թե ինչքան նման կարող են լինել դրանք, և ինչքան տարբեր։ Երազանքներս հեռու չեն իրականությունից, բայց իրականությունս անհասականի է։ Կասկածելի թվացող կյանք, որը կարծես կավարտվի շուտով, բայց այն նոր է սկսվում։ Հայացքներ՝ որոնք տեսնելով հասկանում եմ, թե ինչքան դաժան կարող է լինել կյանքը, և ինչքան բարի։ Ինչքան անարդար կարող է լինել, և ինչքան արդար։ ԿՅԱՆՔ. բացատրել այս պարզ բառը բարդ է ամեն ինչից։ Մի ծիծաղիր ուրիշի անցյալի վրա, դու չգիտես քո ապագան։ Իրարից տարբեր մտքեր, բայց նույն բանի շուրջ՝ կյանքի։
Շատ եմ սիրում մտքերս տալ թղթին։ Իմ անբաժան ընկերները՝ գրիչ և թուղթ։ Միայն նրանք գիտեն իմ մասին ամեն ինչ։
Ստեղծիր քո համար մի աշխարհ, որտեղ ամեն բան հասանելի կլինի միայն ու միայն քեզ։ Բեր այդ աշխարհը իրականություն, և ապրիր այնտեղ։ Միշտ ստեղծիր քո սեփական ճանապարհը, և անցիր այն միայնակ։
Կյանքում կարող ես հանդիպել այնպիսի մարդու՝ ով քեզ ճանաչելու առաջին օրը քեզ կնվիրի ամեն ինչ, բայց դժվար է գտնել այնպիսի մարդ՝ ով ինքը նվեր կդառնա քո համար ամբողջ կյանքի ընթացքում։
Երբեմն նայում եմ շուրջս և մտածում՝ արդյո՞ք բոլորն են արժանի ապրելու, և հասկանում եմ, որ այո՛։ Ամեն մարդ ունի իրեն սիրող գոնե մեկին, և ինքնել սիրում է ինչ որ մեկին։ Ես ապրում եմ այնպես, որ մարդիկ չկարողանան իմ մասին վատը խոսել։ Կներե՛ք, փորձում եմ ապրել այդպես։ Մենք բոլորս ապրում ենք իմանալով, որ մի օր մնալու է մի օր, բայց ոչ մեկ չգիտի, երբ կգա այդ օրը։ Դրա համար ապրեք առանց մտածելու այդ օրվա մասին։
Ինձ միշտ տանջել է մի հարց, թե ինչու՞ է այս ամենը հենց այսպես։ Այս բառերը, իրերը, մարդիկ։ Կան հարցեր,որոնց պատասխանները ես երևի չեմ ստանա երբեք։ Շատերը փորձում են հասկանալ ինձ և իմ հարցերը։ Զարմանալին այն է, որ ես նույնպես փորձում եմ ինձ հասկանալ։ Ես երբեք չեմ բղավել իմ խնդիրների մասին, այլ լուռ լուծել եմ դրանք։ Համոզվել եմ, որ կյանքում ամենաշատը գնահատում ես այն՝ ինչին դժվարությամբ ես հասնում։Ուշադրություն մի դարձրեք, թե ինչ կխոսեն կամ կմտած են ձեր մասին։Նրանցից շատերը անգամ մտածել չգիտեն։ Արեք այն ինչը ձեզ դուր է գալիս։ Առաջին սխալ քայլից հետո արեք երկրորդ անթերին և ջնջեք առաջինը։Համաճարակը հնարավորություն տվեց այս ամենի մասին մտածել։ Շատ֊շատերը կնկատեն իմ մեջ փոփոխություններ։ Շատերի համար այդ փոփոխությունները լավ կլինեն, շատերի համար վատ։
Ես արդեն գտել եմ այս խավարի միջից դուրս եկող լույսը։ Գտեք այն, և ուշադրություն մի դարձրեք խավարին։ Խավարն անցողիկ է, իսկ լույսը կախված է ձեզնից։ Անգամ գիշերն ունի իր լույսը՝ լուսինը։
Չթողնեք, որ ժամանակը մոռանա ձեզ, հետևեք նրան ինչել, որ լինի։ Ապրեք ներկայով, և միշտ փնտրեք ելքեր անհնարին թվացող իրավիճակներում։
Կյանքը մեզ չի տալիս երաշխիքներ, այն տալիս է մեզ հնարավորություններ։
Արա Անանյան 